Þriðji þáttur í sýningarröðinni Vestmannaeyjar í gegnum linsu liðins tíma
Þriðji þáttur í sýningarröðinni Vestmannaeyjar í gegnum linsu liðins tíma verður sýndur laugardaginn 14. febrúar nk. kl. 11.00-12.00 í Sagnheimum.
Á undan verður stutt myndabrot eins og í fyrri tvö skiptin.
Þessi þáttur er mjög fjölbreyttur og borið víða niður. Elsta efnið er frá 1924 og í svarthvítu en meginefnið eru litmyndir frá 1950-1970.
Meðal efnis er úteyjarlíf, veiði í Súlnaskeri og blússið gefið 1924, Sjómannadagurinn á Stakkó 1953, Sundlaugin við Miðhúsatún, grindhvalavaðan í höfninni 1958, sjóstangveiði um 1960, fótboltaleikur á vellinum við Hástein, Surteyjargosið, Stýrimannaskólinn á Breiðabliki um 1970 og margt fleira áhugavert. Sýningin í heild sinni tekur um 60 mín. Eins og á fyrri sýningum mun Arnar Sigurmundsson greina nánar frá myndefninu og leiða umræður.
Gunnar Júlíusson, grafískur hönnuður, yfirfór myndefnið og sá um úrvinnslu.
Verkefnið var styrkt af Uppbyggingarsjóði Suðurlands.
