Laugardagur 1. október 2022

Erling Klingenberg er með myndlistarsýningu í Eldheimum

Á sýningunni “Kraftur aftur” í Eldheimum sýnir Erling T.V. Klingenberg ljósmyndir, skúlptúra, video og málverk eða skvettiverk eins og listamaðurinn nefnir þau. 

Sýningin opnaði í gær fimmtudag kl 17:00 og verður opin í dag föstudag, laugardag og sunnudag frá klukkan  11:00 til klukkan 17:00

Í stað þess að notast við hin hefðbundnu verkfæri málaralistarinnar, bursta, spaða og annað í þeim dúr, notar hann mótorhjól til að mála málverkin með því að setja málningarbakka undir aftara hjólið áður en hann snýr bensíngjöfinni og leysir úr læðingi hin hráu hestöfl hjólsins og skvettir málningu á strigann.

Erling er afar meðvitaður um útlit verkanna og hinar óhjákvæmilegu tilvísanir sem það vekur. Hins vegar er í raun seilst lengra en ætla mætti í fyrstu. Í stað þess að notast við hin hefðbundnu verkfæri málaralistarinnar, bursta, spaða og annað í þeim dúr, notar hann mótorhjól til að mála málverkin með því að setja málningarbakka undir aftara hjólið áður en hann snýr bensíngjöfinni og leysir úr læðingi hin hráu hestöfl hjólsins og skvettir málningu á strigann.

Litir og hreyfing og hin frjálsa myndbygging málverkanna eru kunnugleg og minna kannski á eldgos en einnig liðna tíma, einsog verk Jacksons Pollocks og annarra abstrakt expressjónista. Hvað hyggst Erling fyrir nú? Er hann að gera tilkall til ákveðins tímabils í listasögunni, eins og hann hefur gert áður? Eða er hér e.t.v. um einlægari nálgun að ræða?

Skúlptúrarnir tveir sem sjá má á stöplum á sýningunni eru hauskúpur, annars vegar af manneskju og hins vegar af ketti. Árið 2010 fór listamaðurinn tvisvar að eldgosinu á
Eyjafjallajökli og tók með sér til baka hraunmola frá því gosi. Síðar í vinnustofu sinni endurhitaði hann þessa hraunmola og við það sköpuðust þessar hraunperlur sem þekja
hauskúpuna af manneskjunni. Á þessu ári, 2021, fór listamaðurinn einnig að eldgosinu í Geldingadal á Reykjanesinu og sótti sér hraunmola, sem hann jú aftur endurhitaði og þekja
hraunperlur úr því eldgosi hauskúpu kattarins (sem fannst ekki ýkja langt frá Geldingdalseldgosinu).

Ljósmyndaserían heitir Eyja-Ekki eyja-Eyja-Ekki eyja þar sem meðal annars er velt fyrir sér hvort að sjá sé að trúa og að sjást sé að vera til.

Erling T.V. Klingenberg útskrifaðist frá Myndlista- og handíðaskóla Íslands árið 1994. Einnig nam hann í tvo vetur við Listaháskólanna í Kiel og Frankfurt við Main í Þýskalandi. Þaðan lá leiðin til Nova Scotia College of Art & Design í Halifax, Kanada og útskrifaðist hann þaðan árið 1997 með meistaragráðu í myndlist.
Erling hefur sýnt víða bæði hérlendis og erlendis, t.d. í Austurríki, Búlgaríu, Bretlandi, Þýskalandi, Sviss, Tékklandi, Danmörku, Svíþjóð, Hollandi, Írlandi, Póllandi, Bandaríkjunum, Kanada og í Kína. Auk þess að sinna eigin myndlist er Erling einn af stofnendum Kling & Bang gallerís (2003) sem einnig rak listamiðstöðina KlinK & BanK í tvö ár; 2004 og 2005.
Erling hefur dvalið á vinnustofum í Kaupmannahöfn í Danmörku, Upernavik á Grænlandi, Sligo á Írlandi og í Xiamen í Kína. Einnig haldið sýningar í þeim borgum að lokinni vinnustofudvöl.

Hann hefur, ásamt rekstaraðilum Kling & Bang, skipulagt og unnið í nánu samstarfi við hin ýmsu verkefni með öðrum myndlistarmönnum, til dæmis Sheep Plug með Jason Rhoades og Paul McCarthy, kvikmyndina Skipholt með John Bock, Two Hanks með David Askevold, Hugris með Gelitin, Sirkus Bar á Frieze Project (Frieze Art Fair 2008) og A Kassen (2012 og 2019).

Verk í safneignum m.a.:
Listasafn Reykjavíkur, Reykjavík, Ísland. Listasafn Íslands, Reykjavík, Ísland. Nýlistasafnið, Reykjavík, Ísland. Hafnarborg, Hafnarfjörður, Ísland, Listasafn Samúels Jónssonar í Selárdal, Joseph Beuys Foundation, Dusseldorf. Þýskaland. Einkasafn Jeff Koons, New York, Bandaríkin. Einkasafn Arthur C. Danto, Bandaríkin og fleiri verk í einkaeigu.

Verðlaun:
Carlsberg Fonden, sérstök verðlaun fyrir verk á sýningunni; „Portrait Now“, 2009-2010.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is