Er það virkilega rétt … að hægt sé að brjóta gler með röddinni?
Í teiknimyndum og grínmyndum státa óperusöngkonur sig iðulega af því að ná svo háum tón að öll glös í salnum brotni fyrir tilstyrk raddarinnar einnar.
Er þetta hægt í raun og veru?
Já, þetta er reyndar vel hægt.
Sé slegið létt í vínglas gefur það frá sér hljóm, sem einmitt er á tíðnisviði glersins.
Kraftmikill söngur eða spilun hins nákvæmlega rétta tóns mjög nálægt glasinu getur komið glerinu til að titra. Hljóðbylgjurnar koma glerinu sem sagt til að sveiflast og sé hljómurinn nógu kraftmikill, sveiflast glerið að lokum svo mikið að það brotnar.
Það er þó mikilvægt að tónninn sé einmitt á sömu tíðni og tónninn sem glasið gefur frá sér sjálft. Og það þarf ekki endilega magnara til. Því þynnra sem glerið er, því auðveldara er að brjóta það.
Í tilraunum hafa kristalsglös reynst vera veikust fyrir þegar óperusöngkona eða þungarokkari beitir röddinni af krafti rétt hjá glasinu.
Það er vísindavefurinn sem var með þessa skemmtilegu grein eins er margt fróðlegt og skemmtilegt á þessum vef, við mælum með að kíkja inn á hann og skoða.
