Enn koma útköllin og því nóg að gera hjá Björgunarsveitinni

Aftur var útkall við Búhamar og þar fauk þak af kofa yfir hús sem lenti í næsta garði og út í hraun. Við það brotnaði grindverk og ljósastaur. Hér eru fleiri myndir af minni háttar tjónum. Engin meiriháttar tjón hafa orðið á eignum og engin slys á fólki. Austurbæinn virðist koma best út úr þessu óveðri. En sprungur hafa myndast víða í stórum gluggum í húsum um allan bæ. En eftir samtal við Arnór formann Björgunarsveitarinnar þá er nú komin yfir 70 verkefni og hefur hann ekki upplifað þennan fjölda verkefna áður. Aðeins virðist hafa dregist úr veðrinu en svo mun gefa aftur í og ná hámarki um 22:00 í kvöld. Tígull hefur fengið að fylgjast með Björgunarsveitinni að störfum í kvöld og það er aðdáunarvert hvernig þau vinna vel saman, allir hafa sitt hlutverk og gengur þetta því eins og í sögu. Þau eiga mikið hrós skilið.