Enn ein baráttan um embætti sýslumanns

Enn á ný er í umræðunni að leggja niður embætti sýslumanns í Vestmannaeyjum en aðeins eru tvö ár síðan Arndís Soffía Sigurðardóttir var skipuð til embættisins eftir harða baráttu yfirvalda í Vestmannaeyjum eftir að til stóð að leggja stöðuna niður.
Í frumvarpi sem Jón Gunnarsson, dómsmálaráðherra, hyggst leggja fram á næstunni leggur hann til að fækka sýslumönnum á landinu úr níu í einn.

Í sameiginlegri bókun bæjarstjórnar Vestmannaeyja er áformunum mótmælt harðlega.
„Nú hefst hjá Vestmannaeyjabæ enn ein baráttan um sýslumanninn í Vestmannaeyjum. Hver dómsmálaráðherra á fætur öðrum hefur áformað að leggja niður stöðu sýslumanns sem veikir verulega embættið hér í Eyjum, embætti sem hefur verið að eflast fyrir tilstilli sýslumannsins í Eyjum að undanförnu.

Þá er óboðlegt að ráðherra sendi bæjaryfirvöldum bréf þar sem áformin eru reifuð og óskað eftir samstarfi sex dögum eftir að lesa mátti tilkynningu um þau í fjölmiðlum. Eðlilegra hefði verið að ráðherra kynnti sveitarfélögunum áform sín fyrirfram. Mikilvægt er að fundur með ráðherra og bæjarráði fari fram sem fyrst og hefur ráðið óskað eftir honum.

Engin ný verkefni eru skilgreind í yfirferðinni hjá ráðherra en það er nauðsynlegt að þau séu skilgreind sé það ætlun ráðherra að styrkja embættin.

Bæjarstjórn Vestmannaeyja mótmælir þessum áformum harðlega og þar sem ekki er hægt að sjá hvernig þetta á að styrkja embættin og munum gera allt sem í okkar valdi stendur til þess að reka ráðherrann til baka með áform sín líkt og forvera sína og vinna í því að starfsemi embættisins í Eyjum verði efld enn frekar.“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search