Elliði Snær til Gummersbach! | Tígull.is - Fréttir og viðburðir í Vestmannaeyjum
Elliði Snær

Elliði Snær til Gummersbach!

Elliði Snær Viðarsson hefur samið við þýska liðið Gummersbach sem leikur í næst efstu deild í Þýskalandi. Fyrr í sumar var Guðjón Valur Sigurðsson ráðinn þjálfari Gummerbach og vildi hann fá Elliða til liðs við sig fyrir baráttuna í vetur.

Elliði er 21 árs gamall línumaður sem hefur leikið með ÍBV allan sinn feril. Hann var hluti af liði ÍBV í 4.flokki sem varð Íslandsmeistari árið 2014, en það var fyrsti Íslandsmeistaratitill sem karlalið hjá ÍBV vann í handknattleik.

Árið 2015 lék Elliði sinn fyrsta meistaraflokksleik, þá aðeins 16 ára gamall og sama ár var hann valinn í U-17 ára landslið og fór með þeim á æfingamót og HM yngri landsliða.

Árið 2016 fór hann í undanúrslit með mfl.karla á sínu fyrsta heila tímabili, var valinn besti leikmaður 3.flokks og hlaut Fréttabikarinn fyrir að vera efnilegasti leikmaður mfl.karla. Þetta ár var hann hluti af U-18 ára landsliðinu og fór með þeim á EM og æfingamót.

2017 var Elliði bæði í U-19 og U-21 landsliðum Íslands og var verðlaunaður í lok tímabils fyrir mestu framfarir í mfl.karla.

Árið 2018 var stórt á ferli Elliða hjá ÍBV, eins og hjá öðrum tengdum liðinu. Það tímabilið vann liðið alla titla sem í boði voru: deildarmeistara, bikarmeistara og Íslandsmeistaratitilinn. Jafnframt fór liðið alla leið í undanúrslit í EHF Challengers cup og er það stórkostlegur árangur. Hann lék einnig með U-20 landsliðinu þetta ár. Um haustið vann liðið svo meistara meistaranna og voru þeir þá handhafar allra 4 titlanna í handknattleik karla á Íslandi

2019 fór mfl.karla í undanúrslit Íslandsmótsins, Elliði var valinn ÍBV-ari á lokahófi handknattleiksdeildar og var svo fyrirliði U-21 landsliðsins á HM um sumarið.

Síðasta árið hans hjá ÍBV í bili, 2020, varð Elliði bikarmeistari með mfl.karla og var valinn ÍBV-arinn á lokhófi handknattleiksdeildar í vor (annað árið í röð)og því hægt að segja að hann hafi kvatt með stæl.

Til viðbótar við það að gefa allt í leikinn inn á vellinum, vera hvetjandi og dugmikill innan vallar hefur Elliði alltaf haft mikil áhrif á fólk í félaginu, jafnt unga sem eldri. Hann er einstaklega mikill og góður félagsmaður og hefur alltaf verið boðinn og búinn í öll þau verkefni sem hann hefur þurft að taka sér fyrir hendur.

Við hjá ÍBV erum ótrúlega stolt af þessu frábæra tækifæri sem Elliði Snær er að fá. Við viljum þakka honum innilega fyrir frábæran tíma hjá ÍBV og óskum honum velfarnaðar á stóra sviðinu og munum fylgjast vel með honum þar.

Elliði er Eyjapeyi í húð og hár og það aldrei að vita nema við sjáum hann aftur í ÍBV treyju þegar árin líða.

Áfram ÍBV
Alltaf, alls staðar!

Frá þessu er greint á vef ÍBV.

 

Share on facebook
Share on twitter
Share on linkedin
Share on google
Share on print
Elskar hrekkjavökuna og tekur þetta alla leið – myndband
Ör- hugvekja Landakirkju
Hvað þýðir ást? Svör 4 – 8 ára barna við því
Endurnýjun umferðarljósa Heiðarvegi/Strandvegi
Rafræn foreldraviðtöl gengu vel – 95% foreldra ánægð með fyrirkomulagið
Örhelgistund frá Landakirkju – myndband

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X