Elís Þór Aðalsteinsson hefur gert nýjan samning við handknattleiksdeild ÍBV sem gildir út næsta keppnistímabilið 2027-28.
Elís hefur leikið lykilhlutverk í liði ÍBV undanfarin ár og átti frábært tímabili í fyrra. Hann hefur leikið upp öll yngri landslið Íslands og nú síðast á HM í sumar með U21 árs liðinu.
Elís Þór vinnur nú hörðum höndum í endurhæfingu eftir aðgerð sem hann gekkst undir í sumar eftir að hafa meiðst í leik með landsliðinu. Hann stefnir á að koma tvíefldur til leiks á næsta tímabili.
Við erum afar ánægð með þetta og hlökkum til áframhaldandi samstarfs. Við stöndum þétt við bakið á Elís í bataferlinu og hlökkum til að sjá hann aftur á vellinum segir í tilkynningu frá ÍBV.
Garðar B. formaður handknattleiksdeildar og Elís Þór undirrituðu samninginn í hálfleik í gær, á leik ÍBV og HK eins og má sjá á meðfylgjandi mynd.
