Sunnudaginn 29. janúar næstkomandi klukkan 15:00 verða sýndar tvær magnaðar heimildamyndir í Bíótekinu (sýningaröð Kvikmyndasafns Íslands) í Bíó Paradís.
Það eru myndirnar Eldeyjan eftir þá Pál Steingrímsson, Ásgeir Long og Ernst Kettler og Björgunarafrekið við Látrabjarg eftir Óskar Gíslason.
Ólafur Lárusson, björgunarsveitarmaður og Eyjamaður mun ræða við áhorfendur að sýningu lokinni. Ástæðan fyrir þessum viðburði okkar er að það eru nú 50 ára frá því Heimaeyjargosið hófst.
Eldeyjan (1973)
Eldeyjan er gullfalleg heimildamynd eftir Ásgeir Long, Ernst Kettler og Pál Steingrímsson sem markaði upphafið að ævilöngu samstarfi þeirra með stofnun framleiðslufyrirtækisins Kvik. Myndin er um náttúruhamfarir og tímamótaatburð í sögu þjóðarinnar en hún hlaut gullverðlaun á alþjóðlegri kvikmyndahátíð, The Atlanta International Film Festival í Bandaríkjunum. Liðin eru 50 ár frá eldgosinu í Heimaey sem varði í um fimm mánuði og eyðilagði nær þriðjung byggðarinnar en alls grófust tæplega 300 hús undir hrauni og ösku.
Upplýsingar um hana má finna hér: https://bioparadis.is/kvikmyndir/eldeyjan-og-bjorgunarafrekid-vid-latrabjarg/
