Í tilkynningu frá Herjólfi er farþegum bent á að snemma í fyrramálið er spáð töluverðum vindi og ölduhæð.
,,Að því sögðu viljum við biðja þá farþega sem eiga bókað í fyrstu ferð í fyrramálið að fylgjast vel með miðlum okkar ef gera þarf breytingu á áætlun. Bæði vindur og alda á þó að ganga hratt niður skv. spá þegar líða tekur á morguninn.“
Stuttu síðar kom önnur tilkynning frá Herjólfi um fella þurfi niður hádegisferðir skipsins. ,,Vegna starfsmannafundar komum við til með að þurfa að fella niður ferðir kl. 12:00 frá Vestmannaeyjum og kl. 13:15 frá Landeyjahöfn. Þeir farþegar sem eiga bókað koma til með að fá símtal frá fulltrúum okkar til þess að færa bókun sína. Biðjumst við afsökunar á þeim óþægindum sem þetta kann að valda.“
