Sunnudagur 25. september 2022
Flug IAC

Ekkert bólar á áætlunarflugi

Ekkert verður að útboði á ríkisstyrktu áætlunarflugi milli Vestmannaeyja og Reykjavíkur fyrir veturinn heldur verður veturinn nýttur til frekari undirbúnings útboðsins samkvæmt innviðaráðherra. Útboðsferlið er svo a.m.k sjö mánuðir. Þetta kom fram á fundi bæjarstjórnar síðast liðinn fimmtudag. Það er því ljóst að einhver bið verður á ríkisstyrktu áætlunarflugi til Vestmannaeyja.

„Þann 12. september sl., átti bæjarráð, bæjarstjóri og framkvæmdastjóri stjórnsýslu- og fjármálasviðs, fund með innviðaráðherra og fulltrúum ráðuneytisins um flugsamgöngur milli lands og Eyja. Töluverður tími er liðinn frá því að umræða um ríkisstyrkt flug hófst og stóðu bæjaryfirvöld í Vestmannaeyjum í þeirri trú að Vegagerðin og innviðaráðuneytið væru að vinna að undirbúningi útboðs á ríkisstyrktu flugi. Nokkur tími er síðan Vestmannaeyjabær fékk þær upplýsingar að Vegagerðin hefði lokið þarfagreiningu á flugi til og frá Vestmannaeyjum og undirbúningi útboðs,“ segir í fundargerðinni.

„Fram kom í máli ráðherra á fundinum að lítið sem ekkert hafi þokast í átt að útboði á ríkisstyrktu flugi og til standi að nota veturinn til frekari undirbúnings. Jafnframt kom fram á fundinum að útboðsferlið sé a.m.k. sjö mánuðir og þurfi að bjóða út flugið á evrópska efnahagssvæðinu. Hins vegar kom fram í máli ráðherra að hann vildi leysa flugsamgöngur í vetur með svipuðum hætti og gert var síðasta vetur, án þess að útskýra það fyrirkomulag frekar.

Þessar fréttir komu eins og þruma úr heiðskýru lofti. Bæjaryfirvöld stóðu í þeirri trú að ríkisstyrkt áætlunarflug gæti hafist í haust, undirbúningur ráðuneytisins og Vegagerðarinnar væri langt á veg kominn og bara ætti eftir að tryggja fjárheimildir til verkefnisins.“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is