– Steina og Minna bjóða upp á 9 tíma í viku –
Dugnaður ehf hóf starfssemi haustið 2015 í Týsheimilinu. En það eru þær Minna Ágústsdóttir og Þórsteina Sigurbjörnsdóttir sem eru eigendur Dugnaðar ehf. Nú tæpum fimm árum seinna erum við komnar í Íþróttamiðstöð Vestmannaeyja og erum með níu tíma á viku, Þetta eru markvissir, skemmtilegir og árangursríkir hópþrektímar fyrir alla sem vilja komast í frábært alhliða form í góðum félagsskap. Unnið er með teygjur, kraftbolta, ketilbjöllur, kaðla, handlóð, róðrarvélar, hjól, eigin líkamsþyngd og fleira spennandi og skemmtilegt.
Þáttakendur stjórna álaginu sjálfir. Tímarnir eru fyrir bæði kynin og gaman hvað strákunum hefur fjölgað mikið. Við leggjum mikla áherslu á vellíðan og heilbrigði og það er það sem við erum sannarlega að sjá hjá hópnum.
Margir koma til okkar og segja okkur frá breytingum sem þeir finna á sér og það finnst okkur ánægjulegt.
Við hvetjum ykkur til þess að koma og prufa nokkra tíma. Það er mikil fjölbreytni í tímum vikunnar og því ekki marktækt að koma bara einu sinni. Yfir vikuna eru þoltímar, styrktartímar og powertímar, auk Training for warriors og ketilbjöllutímar. Endilega sláist í okkar skemmtilega hóp, við tökum vel á móti nýjum iðkendum.
– Tígull 1.tbl 2.árg. 2020
