Deildarmyrkvi á sólu í fyrramálið

Í fyrramálið fimmtudagsmorguninn 10. júní 2021 sést deildarmyrkvi á sólu frá öllu Íslandi, þar sem veður leyfir

Sævar Helgi Bragason stjörnufræðingur greinir frá þessu á stjörnufræðivefnum.

Nota þarf viðeigandi hlífðarbúnað eins og sólmyrkvagleraugu eða logsuðugler til að sjá myrkvann. Deildarmyrkvar verða þegar tunglið hylur hluta sólarinnar frá Jörðu séð. Þegar myrkvinn er í hámarki hylur tunglið 69% af þvermáli sólar frá Reykjavík séð en í kringum 66% frá Austurlandi. Nota þarf viðeigandi hlífðarbúnað eins og sólmyrkvagleraugu eða logsuðugler af mesta styrkleika til að sjá myrkvann.

Í Reykjavík hefst deildarmyrkvinn kl. 09:06 að morgni þegar tunglið byrjar að „bíta sneið“ úr sólinni. Þar nær hann hámarki kl. 10:17 og lýkur kl 11:33. Tímasetningnar eru lítið eitt mismunandi fyrir mismunandi staði á landinu eins og sjá má neðar.

Vestar á Jörðinni verður hringmyrkvi sem gengur yfir Kanada, Grænland, Norðurpólinn og Rússland. Heppilegasti staðurinn til að sjá myrkvann er nyrst á Grænlandi.

Hringmyrkvar verða þegar tunglið er aðeins of langt frá Jörðinni til að geta hulið sólina alla. Þótt tunglið gangi beint fyrir sólu sést enn þunnur ljóshringur í kringum tunglið og sólkórónan hvergi sjáanleg. Seinast sást hringmyrkvi frá Íslandi 31. maí árið 2003 en næst þann 11. júní árið 2048.

Deildarmyrkvinn 10. júní 2021 er sá mesti sem sést hefur frá Íslandi síðan 20. mars 2015 . Þá varð líka deildarmyrkvi sem sást frá landinu öllu. Sá myrkvi var raunar mun meiri en nú. Þá huldi tunglið 97% af sólinni á móti um 69% nú.

Eftir fimm ár, 12. ágúst 2026, sést næsti almyrkvi á sólu frá Ísland, sá fyrsti síðan 1954. Verður það fyrsti almyrkvinn sem sést frá Reykjavík síðan 17. júní árið 1433.

Tímasetningar eftir mismunandi stöðum:

Reykjavík 69%
Myrkvi hefst: 09:06
Myrkvi í hámarki: 10:17
Myrkva lýkur: 11:33

Höfn í Hornafirði 65%
Myrkvi hefst: 09:10
Myrkvi í hámarki: 10:22
Myrkva lýkur: 11:38

Tímarnir eru námundaðir að næstu heilu mínútu.

Share on facebook
Share on twitter
Share on linkedin
Share on google
Share on pinterest

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is