Dagur íslenskrar tungu er fagnað með fjölbreyttum hætti um land allt í dag – GRV tók þátt

16.11.2020

Degi íslenskrar tungu var fagnað með fjölbreyttum hætti um land allt í dag.

Hátíðarhöld og verðlaunaafhending Verðlauna Jónasar Hallgrímssonar voru þó með óhefðbundnum hætti þetta árið vegna sóttvarnaráðstafana.

Hátíðardagskrá ráðuneytisins var miðlað með streymi en þau fóru fram í Hörpu, útsendingin hófst  kl. 16.

Þar flutti Lilja Alfreðsdóttir mennta- og menningarmálaráðherra  ávarp og tilkynnti um verðlauna- og viðurkenningarhafa Verðlauna Jónasar Hallgrímssonar árið 2020.

Það var Gerður Krist­ný sem hlaut Verðlaun Jónas­ar Hall­gríms­son­ar 2020. Við hátíðlega at­höfn í Hörpu í dag.

Í sam­tali við mbl.is seg­ir hún viður­kenn­ing­una hafa komið sér ánægju­lega á óvart og tek­ur fram að gam­an sé að bæt­ast í hóp þeirra sem hlotið hafa verðlaun­in frá því þau voru fyrst veitt Vil­borgu Dag­bjarts­dótt­ur 1996 þegar 189 ár voru liðin frá fæðingu Jónas­ar.

Landsmenn eru hvattir til þess að fagna deginum með sínum hætti og vitað er að fjölmargir skólar munu til dæmis nota tækifærið og hafa íslenskt mál í öndvegi nk. mánudag líkt og hefð er fyrir.

Grunnskóli Vestmannaeyja var með tvo flotta krakka sem lásu upp ljóð eftir Jónas Hallgrímsson

Þessi frábæru lesarar, Hákon Tristan og Rebekka Rut nemendur í 8.bekk, áttu að lesa í Eldheimum í dag á þessum merkisdegi fyrir fullu húsi af fólki. Grunnskólki Vestmannaeyja  látum C-19 ekki slá okkur út af laginu og gáfum við þeim tækifæri á að lesa upp ljóðin sín eftir Jónas Hallgrímsson.

Þess má einnig geta að nemendur í GRV fá tækifæri til að vinna með tungumálið í allan dag á fjölbreyttan máta.

Smella má á myndirnar til að fara inn á facebooksíðu skólans til að hlusta á upplesturinn.