10.05.2020
Ágúst Halldórsson setti saman dag í lífi trillukarls, og auðvitað eins og allt sem hann Ágúst kemur nálægt þá er þetta algjörlega frábær heimildarmynd hjá honum.
Tígull þakkar honum fyrir að lofa okkur að deila því með ykkur, við gefum Ágústi orðið:
Nú er fyrsta vikan búin á strandveiðunum hjá Júlíu VE 163 og allir dagar verið bingó hjá Ragnari Þór. Ég fékk að skottast með á fimmtudaginn og ákvað að taka upp myndband sem myndi heita Dagur í lífi trillukarls.
Ég er svipaður og frændur mínir Kristján Óskarsson og Leó Oskarsson og hef mjög gaman af því að taka upp svona myndbönd. Og þá sérstaklega fyrir sögulega gildið eins og þeir.
Ég geri mér alveg grein fyrir því að það eiga kanski ekki margir eftir að horfa á þetta sautján mínútna myndband í símanum sínum en mér er svo sem alveg sama.
Því ég ger rétt ímyndað mér hvað það verður gaman fyrir fólk að skoða þetta eftir tíu eða jafnvel hundrað ár.
Pælið í því hvað það væri geggjað að eiga svona myndband af Hannesi Lóðs eða Þorsteini í Laufási þegar vélbátaútgerðin var að hefjast í Vestmannaeyjum.
Þannig að ef þið viljið skyggnast inn í líf trillumannsins á þessum flotta sunnudegi, gjörið svo vel.
Endilega varpið þessu í sjónvarpið og leyfið krökkunum að sjá að fiskur kemur ekki tilbúinn með rasp utan á sér.
Kveðja Ágúst Halldórsson.
