ClubDub staðfestir þátttöku á Þjóðhátíð 2025
Það er nú staðfest að hljómsveitin ClubDub verður á meðal þeirra sem koma fram á Þjóðhátíð í Vestmannaeyjum sumarið 2025. ClubDub er íslenskt raftónlistartvíeyki sem samanstendur af Brynjari Barkasyni og Aroni Kristni Jónassyni.
ClubDub hefur vakið mikla athygli á íslenskri tónlistarsenu með sínum einstaka stíl sem blandar saman poppi, hiphop og raftónlist. Þeir voru tilnefndir til Hlustendaverðlaunanna 2025 sem Flytjandi ársins og lag þeirra „Bad Bitch í RVK“ var tilnefnt sem Lag ársins.
