Þriðjudagur 16. apríl 2024

Breytingar á knattspyrnulögunum samþykktar

Þann 18. mars samþykkti stjórn KSÍ breytingar á knattspyrnulögunum sem taka gildi við upphaf Mjólkurbikars KSÍ, hvenær sem það svo verður.

Reglum um hendi hefur meðal annars verið breytt og er til dæmis ekki lengur refsivert ef boltinn fer óviljandi af hendi sóknarmanns til samherja og skapar þannig marktækifæri.

Þá segir jafnframt:

„Ekki skal meta sérhverja snertingu handar/handleggs við boltann sem leikbrot. Meta skal stöðu handar/handleggs leikmannsins í samhengi við hreyfingu líkama hans í hverju tilfelli fyrir sig.“

 

  • 1. grein – Leikvöllurinn

Markstangirnar og markslárnar (og bæði mörkin) verða að vera sömu lögunar.

  • 7. grein – Leiktíminn

Ákvæði um viðbótartíma á við um ,,tapaðan“ leiktíma.

  • 11. grein – Rangstaða

Bætt er við skilgreiningunni úr 12. greininni um hvað teljist til handleggsins (frá neðri mörkum handakrikans) til að nota við mat á rang- og réttstöðu.

  • 12. grein – Leikbrot og óviðeigandi hegðun – boltinn handleikinn

Ekki skal meta sérhverja snertingu handar/handleggs við boltann sem leikbrot.

Meta skal stöðu handar/handleggs leikmannsins í samhengi við hreyfingu líkama hans í hverju tilfelli fyrir sig.

Óviljandi hendi sóknarmanns sem hrekkur til samherja og skapar þannig marktækifæri er ekki lengur refsiverð.

Noti leikmaður viljandi bragð til þess að komast í kringum lögin við að leika boltanum til markvarðar svo hann geti handleikið hann er nú einnig refsivert við töku markspyrna. Upphafsmaðurinn skal áminntur (gult spjald).

Vítaspyrna getur einungis verið dæmd fyrir brot gegn sérhverjum þeirra sem skráðir eru á leikskýrsluna (leikmönnum eða forráðamönnum).

Hægt er að lesa allt um reglubreytingar á vef KSÍ hérna.

 

 

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search