OPIÐ VERÐUR VIRKA DAGA KL. 13-15
Í ljósi þess að búið er að skerða opnunartíma Bókasafnsins viljum við koma til móts við bæjarbúa.
Við ætlum að bjóða upp á að hægt verði að hringja og taka frá bækur. Starfsfólk safnsins tekur bækurnar til og viðkomandi getur þá skotist inn og sótt bókakostinn á þessum opnunartíma.
Við mælum með að taka fleiri en færri bækur í einu til að fækka ferðum á bókasafnið á þessum skrítnu tímum.
Við viljum líka benda fólki á sem þarf að skila bókum að notast við póstlúguna vinstra megin við aðalinngang.
Á meðan þessum skerta opnunartíma stendur þá verða ekki rukkaðar sektir en við viljum benda á að hægt er að hringja og fá lánstíma framlengdan.
Við viljum biðja gesti safnsins að virða fjöldatakmarkanir og að halda hæfilegri fjarlægð milli fólks.
Öllum bókum sem skilað er eru sótthreinsaðar, snertifletir á bókasafninu eru sprittaðir reglulega yfir daginn og starfsfólk gætir fyllsta hreinlætis.
Það verður hægt að hringja til að panta bækur, framlengja lánstíma eða leita upplýsinga milli kl. 9-17 í síma 488-2040.
Starfsfólk Safnahúss
