04.05.2020
Breki VE gerir það gott. Hann var aflahæsti togari landsmanna í apríl og aflaverðmætið meira en nokkru sinni fyrr í einum mánuði frá því Vinnslustöðin fór að gera skipiðið út!
Heildarafli Breka var 1.077 tonn í apríl og næst kom Björg EA með 857 tonn. Drangavík VE er í 11. sæti með 560 tonn.
Aflaverðmæti Breka í apríl er um 230 milljónir króna, sem er metmánuður hjá skipinu að því leyti frá upphafi.
Togarinn fór fyrst til veiða 24. júlí 2018 og kom með tæplega 7.800 að landi á fyrstu tólf mánuðunum. Aflaverðmætið var liðlega 1,5 milljarðar króna.
Forsíðumynd Kolbeinn Agnarsson
