Bifreiðastyrkir til fólks með hreyfihömlun hækkaðir í fyrsta sinn í 8 ár og sérstök áhersla lögð á orkuskipti

Guðmundur Ingi Guðbrandsson, félags- og vinnumarkaðsráðherra, hefur undirritað reglugerð sem felur í sér fyrstu hækkun í átta ár á uppbótum og styrkjum til bifreiðakaupa fyrir hreyfihamlað fólk.

Einnig er nú tryggt að hækkanir á uppbótum og styrkjum vegna slíkra bifreiðakaupa eigi sér stað árlega en ekki á margra ára fresti eins og verið hefur. Að auki verður hægt að sækja um styrk til Orkusjóðs vegna sérútbúinna hreinna rafbíla fyrir hreyfihamlaða án þess hámark sé á kaupverði þeirra.

„Þessi stefnubreyting er í samræmi við loftslagsmarkmið íslenskra stjórnvalda og aukna félagslega sjálfbærni. Með almennri hækkun bifreiðastyrkja fyrir hreyfihamlað fólk bætum við auk þess aðgengi þess að samfélaginu og aukum stuðning við þau sem gjarnan eru tekjuminni,“ segir Guðmundur Ingi Guðbrandsson.

Hækkun bifreiðastyrkja

Hækkanirnar tóku gildi þann 1. janúar síðastliðinn.

  • Fjárhæð uppbótar vegna bifreiðakaupa er nú 500.000 kr.
  • Fjárhæð uppbótar vegna kaupa á fyrstu bifreið er 1.000.000 kr.
  • Styrkur til kaupa á bifreið fyrir þau sem eru verulega hreyfihömluð nemur eftir hækkunina 2.000.000 kr.

Fjárhæðirnar hækkuðu síðast í nóvember 2015. Þess ber að geta að uppbætur og styrkir vegna bifreiðakaupa hafa ekki áhrif á fjárhæðir annarra greiðslna almannatrygginga og félagslegrar aðstoðar.

Þá hefur hámarksfjárhæð styrks til kaupa á sérútbúinni bifreið hækkað í 7.400.000 krónur en þar er um að ræða einstaklinga sem vegna mikillar fötlunar komast ekki af án sérútbúinnar bifreiðar. Upphæð þessa styrks hækkaði síðast í júní 2020.

Loks er 10% hærri styrkur fyrir sérútbúna hreina rafbíla samkvæmt reglugerðinni og hámarksfjárhæð 8.140.000 kr.

Guðmundur Ingi hefur sem fyrr segir fest í reglugerð að uppbætur og styrkir vegna bifreiðakaupa skuli hækka árlega í samræmi við hækkun bóta almannatrygginga, í stað þess að hækkunin sé óregluleg og jafnvel á margra ára fresti líkt og verið hefur.

Styrkir vegna orkuskipta

Umhverfis- og auðlindaráðuneytið kynnti fyrir skemmstu nýtt fyrirkomulag styrkja í stað skattaívilnana vegna orkuskipta. Nú um áramótin tóku beinir styrkir við af skattaívilnunum sem hvatar til orkuskipta í landsamgöngum og getur almenningur fengið allt að 900.000 kr. styrk í gegnum Orkusjóð ef kaupverð rafbíls er undir 10.000.000 kr.

Ekkert hámark er hins vegar á kaupverði vegna sérútbúinna hreinna rafbíla fyrir hreyfihamlaða einstaklinga sem njóta styrks vegna bifreiðakaupa frá Tryggingastofnun. Sótt er um styrkina á island.is/rafbilastyrkir.

Hreyfihamlaður einstaklingur sem kaupir sérútbúinn hreinan rafbíl getur þannig hvort tveggja fengið 900.000 kr. styrk úr Orkusjóði og allt að 8.140.000 kr. styrk á grundvelli framangreindrar reglugerðar félags- og vinnumarkaðsráðherra.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search