Berglind á leið til Frakklands

Franska félagið Paris Saint-Germain hefur keypt Berglindi Björgu Þorvaldsdóttur frá norska félaginu Brann.

Brann staðfestir þetta á heimasíðu sinni og segir að Berglind hafi þegar gengist undir læknisskoðun og skrifað undir samning.

„PSG gerði tilboð sem við gátum ekki hafnað. Því miður þá gat Berglind ekki spilað eins mikið fyrir okkur og við vonuðumst eftir, vegna meiðsla. En við óskum henni góðs gengis í framtíðinni,“ segir starfandi þjálfari Brann og íþróttastjórinn Olli Harder.

Berglind Björg, sem er 30 ára sóknarmaður, kom til Brann frá Hammarby í janúar. Hún skoraði eitt deildarmark og eitt bikarmark fyrir Brann.

Hún þekkir vel til í Frakklandi en hún spilaði með Le Havre tímabilið 2020-2021. Berglind hefur einnig spilað fyrir Hammarby, Milan, Verona og PSV í atvinnumennsku. Hún hefur spilað 66 landsleiki og skorað 12 mörk fyrir Ísland.

PSG er eitt stærsta félag Evrópu og hafnaði í öðru sæti frönsku kvennadeildarinnar á síðasta tímabili.

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search