Bæjarráð fundar með samgönguráðherra á morgun | Tígull.is - Fréttir og viðburðir í Vestmannaeyjum
Bærinn Tói Vídó

Bæjarráð fundar með samgönguráðherra á morgun

Bæjarráð Vestmannaeyja mun funda með Sigurði Inga Jóhannssyni, samgöngu- og sveitarstjórnaráðherra, á fimmtudag vegna stöðunnar í flugsamgöngum milli lands og eyja. Áætlunarflug hætti fyrir mánuði og á mánudag sagði ISAVIA upp öllu starfsfólki á flugvellinum. Við bætast vandamál með samning um siglingar Herjólfs. Vegagerðin hefur farið fram á að hann verði tekinn upp vegna þess að mönnunarþátturinn hafi reynst dýrari en gert hafði verið ráð fyrir.

„Við Eyjamenn höfum auðvitað áhyggjur af því að það séu svona miklar hræringar í kringum samgöngurnar okkar,“ segir Íris Róbertsdóttir bæjarstjóri. „Þetta nýjasta útspil ISAVIA er vægast sagt sérstakt. Það hefur ekkert samráð eða samtal átt sér stað heldur var þetta einhliða ákvörðun um að skerða þjónustuna á vellinum.“

Segir hún að fundað hafi verið með vegamálastjóra vegna málsins og að allir sýni því skilning að flugsamgöngur verði að vera í lagi. Tvær samgönguleiðir séu nauðsynlegar fyrir Vestmannaeyjar og sjúkraflug hafi verið þriðja hvern dag.

„Þetta getur kallað á aukin útgjöld hjá ríkinu, úr öðrum vasa, því nú þarf að senda alla þá í sjúkraflug sem áður var hægt að treysta til að fara með áætlunarflugi,“ segir Íris. „Völlurinn hefur mikilvægu öryggishlutverki að gegna og svo auðvitað treystum við því að áætlunarflugið fari aftur í gang.“

Hvað Herjólf varðar hefur starfshópur verið skipaður til að fara yfir samninginn, með fulltrúum Vegagerðarinnar og Vestmannaeyjabæjar. Búist er við að einhver niðurstaða liggi fyrir á næstu vikum.

Herjólfur siglir nú sex ferðir á dag. „Krafa Eyjamanna er að þjónustan verði ekki skert og Vegagerðin hefur ekki lagt það til,“ segir Íris, en vissulega sé óvissan ekki góð.

Viðtalið birtist við Írisi á vef Fréttablaðsins

 

Forsíðumyndina á Tói Vídó.

Share on facebook
Share on twitter
Share on linkedin
Share on google
Share on print
Ragnar Þór Jóhannsson kosinn formaður Farsæls
Ör hugvekja á sunnudegi – séra Guðmundur Örn með hlý orð
Sólakrílin syngja og dansa sig inn í helgarfríið
Fimm litlum pysjum sleppt í gær í lok tímabils
Rafstöð og ljósabúnaður fyrir hindranaljós á Heimaklett kemur vel út á klettinum
Starfsemi og helgihald Landakirkju

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X