ÍBV tryggði sér þriggja stiga forskot í fjórða sæti Olísdeildar kvenna í gærkvöldi með því að leggja Aftureldingu, 31:28, í Vestmannaeyjum en um var að ræða frestaðan leik úr 16. umferð. ÍBV var fjórum mörkum yfir að loknum fyrri hálfleik, 17:13. ÍBV er þar með þremur stigum á undan Haukum þegar tvær umferðir eru eftir en liðin mætast á Ásvöllum á laugardaginn.
Mörk ÍBV: Hrafnhildur Hanna Þrastardóttir 9/2, Harpa Valey Gylfadóttir 7, Þóra Björg Stefánsdóttir 5, Sunna Jónsdóttir 4, Elísa Elíasdóttir 3, Marija Jovanovic 2, Sara Dröfn Richardsdóttir 1.
Varin skot: Erla Rós Sigmarsdóttir 13/1, 31,7%.
Mörk Aftureldingar: Sylvía Björt Blöndal 14/1, Katrín Helga Davíðsdóttir 5, Hrafnhildur Hólm Guðnadóttir 4, Drífa Garðarsdóttir 4, Lovísa Líf Helenudóttir 1.
Varin skot: Tanja Glóey Þrastardóttir 5, 16,1% – Eva Dís Sigurðardóttir 1, 16,7%.
Olísdeild karla
Karlið ÍBV spiluðu gegn Gróttu í gærkvöldi. Hörkuspennandi leikur þar sem að úrslit réðust á síðustu sekundunni. Í hálfleik var staðan jöfn 17 – 17. Undir lok leiks var staðan hnífjöfn, 35-35, þegar Björn Viðar Björnsson varði eitt af sex skotum sínum í leiknum og kastaði boltanum yfir völlinn endilangan og kom ÍBV yfir. Gróttumenn fengu vítakast þegar tíu sekúndur voru eftir og jöfnuðu leikinn. ÍBV tóku þá leikhlé og lögðu í lokasókn. Sú sókn endaði á að Sigtryggur Daði Rúnarsson fékk boltann, lyfti sér upp og skaut boltanum upp í samskeytin þegar tvær sekúndur voru eftir. Lokatölur 37 – 36 ÍBV í vil.
Leikir í lokaumferð Olísdeildar karla á sunnudaginn:
Haukar – FH
Stjarnan – Víkingur
Grótta – KA.
HK – ÍBV.
Afturelding – Fram
Selfoss – Valur.
