Við flytjum ykkur gleðitíðindi þennan fimmtudaginn.
Arnór Viðarsson hefur skrifað undir nýjan tveggja ára samning við Handknattleiksdeild ÍBV.
Arnór er ungur og ótrúlega efnilegur leikmaður sem hefur leikið með meistaraflokknum okkar síðastliðin 2 tímabil. Hann hefur spilað ansi stóra rullu í liðinu undanfarna mánuði og staðið sig með mikilli prýði.
Arnór er mjög líkamlega sterkur og kraftmikill leikmaður, sem gefur ekkert eftir hvort sem er í vörn eða sókn. Hann er sömuleiðis mikilvægur klúbbnum okkar utan vallar, þar sem hann er iðulega klár í hin ýmsu verkefni og hefur m.a. starfað við þjálfun 6.flokks kvenna í vetur við góðan orðstír.
Við erum mjög ánægð með að hafa tryggt okkur krafa Arnórs áfram næstu árin í Olísdeildinni!
Við óskum Arnóri til hamingju og hlökkum til áframhaldandi samstarfs segir í tilkynningu frá ÍBV handboltanum.
