Arína Bára er aðeins 17 ára ung eyjamær og er því ári á undan jafnöldru sínum til að útskrifast úr framhaldsnámi. Hún hlaut verðlaun fyrir mjög góðan árangur í efnafræði á stúdentsprófi, Raungreinaverðlaun HR sem eru veitt fyrir framúrskarandi árangur í raungreinum á stúdentsprófi og fyrir frábæran heildarárangur á stúdentsprófi en Arína var með 9,3 í meðaleinkunn.
Fullt nafn: Arína Bára Angantýsdóttir.
Foreldrar: Þórunn Ragnarsdóttir og Angantýr Einarsson.
Systkini: Lísa Margrét Rúnarsdóttir, Einar Örn Angantýsson og Andri Þór Angantýsson
Ertu búin að ákveða hvað þú stefnir á að verða þegar þú verður stór? Ég væri til í að vinna hjá Össuri eða vinna við eitthvað sem tengist því að hjálpa dýrum.
Ætlar þú strax í áframhaldandi nàm? Já.
Í hvað skóla stefnir þú á að fara? HR (Háskólinn í Reykjavík)
Hvaða nám ætlarðu? Heilbrigðisverkfræði.
Hvernig er þín upplifun af FÍV? Það var yndislegt að vera í FÍV. Kennararnir eru mjög hjálpsamir og andinn er almennt mjög góður. Boðið er upp á fjölbreytt nám og það er vel skipulagt.
Uppáhalds kennari í FÍV? Verð nú að velja Gunnar Friðfinnsson tengdapabba minn þar.
Uppáhalds kennari í GRV? Ég var aðeins í GRV í 9. bekk en ég elskaði hana Láru.
Hvað var skemmtilegasta námsfagið þitt? Stærðfræði og tölfræði.
Eitthvað að lokum? Reynið ykkar besta þvi það mun skila sér.
