16.03.2020
Tígull hitti á Sigurbjörgu Sæunni Guðmundsdóttir sem er leyfishafi Apótekarans og ræddi við hana um þessa ákvörðun. Í morgun ákáðum við að kanna hvort gengi að hafa opið og að fólk myndi passa sig á 2 metra fjarðlægð, en fljótlega varð okkur ljóst að það gengi engan veginn. Það var mikið að gera í morgun og apótekið fylltist af fólki og í ljósi þess hve smitandi Covid-19 er þá taldi ég þetta vera einu lausnina í bili til að koma í veg fyrir að starfsfólk mitt smitist og við þá allar færum í sóttkví og Apótekarinn í kjölfarið loka í Eyjum í allavega 14 daga sem er einfaldlega ekki að ganga.
Í tilkynningu í dyrum apóteksins segir: Vegna COVID-19 faraldursins mun afgreiðsla fara fram í gegnum glugga apóteksins. Okkur hefur ekki tekist að tryggja 2 metra fjarðlægð milli fólks inni í apótekinu og vegna mikillar umferðar inn og út úr apótekinu neyðumst við til að grípa til þessa ráðs. Við bendum öllum á að hringja á undan sér í síma 481-3900 til þess að auðvelda og flýta fyrir afgreiðslunni.
