Fimmtudagur 29. febrúar 2024

Ánægðastir allra með búsetuskilyrði sín

Frétt á vef Fréttablaðsins sem birtist í gær var sérstaklega gleðileg. Þar var greint frá því að samkvæmt könnun Samtaka sveitarfélaga á Vesturlandi eru Vestmannaeyingar ánægðastir landsmanna allra með búsetuskilyrði sín.

Markvisst hefur verið unnið að því á kjörtímabilinu að efla þjónustu við íbúa og sérstaklega barnafjölskyldur. Frístundastyrkurinn var tvöfaldaður frá því sem var, gjaldskrá leikskóla, frístundar og fæðiskostnaðar í skólum var fryst og þau gjöld hækkuðu þannig ekki og þjónusta við nemendur í grunn- og leikskólum hefur markvisst verið efld m.a. með snemmtækri íhlutun þannig að allir nemendur geti vaxið og dafnað í skólunum okkar.

Á undanförnum árum hefur að sama skapi verið lögð áhersla á þjónustu við eldra fólk m.a. með hvötum til þess að sá hópur geti búið sem lengst í eigin húsnæði. Þá var farið í verkefni um heilsueflingu eldri borgara sem hefur farið fram úr björtustu vonum bæði hvað varðar þátttöku og árangur. Í þjónustukönnunum hefur ítrekað komið fram að eldra fólk í Vestmannaeyjum er hvað ánægðast landsmanna með þjónustu sveitarfélaga og er það mikið fagnaðarefni.

Á næstu árum þurfum við að halda áfram uppbyggingu fyrir nýsköpunar- og sprotastarfsemi í Fiskiðjunni. Halda áfram að vinna markvisst að umhverfismálum eftir umhverfisstefnunni sem er í vinnslu, halda áfram að veita fólki af erlendu bergi góða þjónustu, treysta stoðir atvinnulífsins með markvissum stuðningi bæjarins t.d. við ferðaþjónustuna og styrkja menningarlífið í bænum.
Með hækkandi sól sjáum við vel hvað samfélagið okkar blómstrar hvert sem litið er. Ég vil halda áfram á þessari braut. Sveitarfélög eiga að veita íbúum sínum góða þjónustu og ég er stoltur af þeim árangri sem við höfum náð á undanförnum árum.

Til hamingju með hamingjuna Eyjamenn!

Njáll Ragnarsson, formaður bæjarráðs og oddviti Eyjalistans

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search