Það kemur upp í huga manns textinn: Það er allt á floti alls staðar, ekkert nema sjór – en segðu mér, hvað get ég annað en hugsað til þín, sem heima bíður mín.
Bæjarstarfsmenn hafa staðið í ströngu í dag við að losa stífluð niðurföll um allan bæ.
Tígull náði tali af Jóhanni Jónssyni eða Jói í Laufási eins og við þekkjum hann og spurðum hann út í ástandið.
Enginn tjón hafa orðið á húsum en lagnir niður á Herjólfsbryggju eru í ólagi eins og er, en þar hefur myndast risastór pollur. Fólk mætti taka betur tillit til þeirra þegar þeir standa í miðjum polli að reyna að losa stífluna, en bílar hafa keyrt á fullri ferð framhjá og þar af leiðandi hafa þeir fengið gusuna yfir sig nokkrum sinnum. Tígull fékk einmitt að kynnast smá gusu við myndatökur þessarar fréttar.
