30.10.2020
Fótbolti.net greindi rétt í þessu frá því að Al Arabi sé kominn í úrslitaleik Emir-bikarsins í Katar eftir sigur á Al Markhiya í dag.
Um er að ræða stærstu bikarkeppni landsins. Heimir Hallgrímsson er þjálfari Al Arabi og Aron Einar Gunnarsson er leikmaður liðsins.
Freyr Alexandersson var í starfsliði Al Arabi í leiknum en hann er að taka við starfi aðstoðarþjálfara liðsins.
Aron Einar var á skotskónum í dag, hann skoraði fyrra mark Al Arabi í 0-2 sigri. Abdulaziz Al-Ansari skoraði seinna mark Al Arabi. Mörkin má sjá hér að neðan.
Þetta var fyrri undanúrslitaviðureignin því á morgun mætast Al Duhail og Al Sadd í hinni viðureigninni.
Fyrir þremur vikum var Al Arabi í bikarúrslitum QSL bikarsins og því er þetta annar bikarúrslitaleikurinn sem liðið kemst í á stuttum tíma.
23 ár eru síðan Al Arabi vann síðast stóran bikar.
Inná fótbolta.net er hægt að sjá markið sem Aron skoraði, smeltu hér
