Útskýring frá Herjólfi um stöðuna og ástæðu þess að Herjólfur sigli ekki til Landeyjahafnar
Eins og öllum er kunnugt siglir Herjólfur á annarri skrúfunni þessar vikurnar.
Afleiðingar þess eru meðal annars þær að skipið siglir mun hægar en eðlilegt er auk þess sem vindstyrkur hefur meiri áhrif á skipið en þegar siglt er á tveimur skrúfum.
Vindstyrkur í Landeyjahöfn í dag er ástæða þess að fella þarf niður ferðir dagsins til Landeyjahafnar og ein ferð verður sigld til Þorlákshafnar kl. 16.
Við skiljum þau óþægindi sem þetta veldur en slíkar ákvarðanir eru alltaf teknar með öryggi skips, farþega og áhafnar að leiðarljósi.
