- Bæjarfjölmiðillinn í Vestmanneyjum -

Afhverju að breyta því sem gengur vel ?

Á kjörtímabilinu sem er að líða hefur margt gott verið framkvæmt hvað varðar skóla- og fræðslumál, þjónustu við eldri borgara í málefnum fjölskyldunnar. Lögð hefur verið áhersla á snemmtæka íhlutun í leik- og grunnskólum sem er mjög jákvæð þróun. Lagt hefur verið kapp á úrbætur á leik- og grunnskólalóðum sem hefur lukkast mjög vel. Það skiptir svo miklu máli að veita góða stoðþjónustu í skólunum okkar og að umhverfi nemenda sé til fyrirmyndar. 

Á meðan Eyjalistinn hefur verið í meirihluta s.l kjörtímabil hafa einnig leikskóla- og frístundargjöld verið fryst sem og fæðiskostnaður. Frístundarstyrkurinn hefur verið tvöfaldaður og umsóknarferlið orðið einfaldara. 

Menntarannsóknin, Kveikjum Neistann hófst hér í Eyjum og hefur vakið mikla athygli á landsvísu. Eyjalistinn er stoltur af því að hafa tekið þátt í að styðja við verkefnið og okkur hlakkar til að sjá hvernig mun ganga. Verkefnið er með það markmið að auka vellíðan og árangur nemenda í skólanum. Það má líka þakka starfsfólki á Bókasafni Vestmannaeyja fyrir þeirra aðkomu að verkefninu. Að auka lestrarfærni nemenda og námsáhuga er mikilvægt sem og að vinna að seiglu í þrautagöngu lífsins. 

Komið var á laggirnar þróunarsjóði leik- og grunnskóla sem hefur það að markmiði að veita kennurum, kennarahópum og öðru starfsfólki í skólunum styrk fyrir verkefnin sín. Verkefnin eru af ýmsum toga. Hvatningarverðlaunin voru einnig stofnuð þar sem íbúar geta tilnefnt einstaklinga sem hafa skarað fram úr í starfinu. Í gegnum árin höfum við séð hversu metnaðarfullt starf er í gangi í skólum bæjarins og bæði þróunarsjóðurinn- og hvatningarverðlaunin hafa ýtt enn frekar undir þá þróun. 

Tækni innleiðing í Grunnskóla Vestmannaeyja er annað sem við erum mjög ánægð að hafa gert að veruleika. Skólinn fór úr því að eiga örfá tæki í það að hver nemandi er með tæki til umráða. Frábær þróun fyrir skólastarfið og stefnum við í Eyjalistanum á að styðja GRV í áframhaldandi þróun í tæknimálum. 

Við höfum skrifað um að við viljum byggja upp leikskóla til framtíðar. Það sem felst í því er fjölmargt en til dæmis er það að halda áfram að leggja metnað í stoðþjónustu leikskólans. Vinna að raunverulegri framtíðarsýn þegar kemur að nýrri leikskólabyggingu en fyrst og fremst teljum við að fagfólk í leikskólamálum svo sem leikskólastjórar, leikskólakennarar, skólaskrifstofan o.fl. eigi að vinna að áformum sveitarfélagsins um framtíð leikskólans. Til dæmis hvað varðar inngöngu við 12 mánaða aldur, heimagreiðslur til foreldra og gjaldskrá. Fagfólkið í skólunum eru sérfræðingar í sinni stétt og veitum við þeim algjört traust þegar kemur að því að huga að velferð og námi barnanna okkar. 

Eyjalistinn hefur lagt áherslu á að byggja upp leikvelli í hverfum bæjarins. Margir hverjir voru orðnir mjög illa á sig komnir. Eins var reistur hreystivöllur fyrir framan íþróttamiðstöðina sem gefur íbúum kost á léttri hreyfingu utandyra. Haldið var áfram með Janusarverkefnið fyrir eldri borgara sem hefur sýnt sig að er lyftistöng fyrir lífsgæði þessa hóps.

 

Kæru kjósendur, 

kjósum ábyrgan lista sem stendur við gefin loforð. Við þurfum á ykkar atkvæði að halda til þess að gera góðan bæ enn betri.

X-E!

Helga Jóhanna Harðardóttir formaður Fjölskyldu og tómstundaráðs og skipar 2. sæti Eyjalistans

Arna Huld Sigurðardóttir  formaður Fræðsluráðs og skipar 9. sæti Eyjalistans

Hildur Rún Róbertsdóttir skipar 4. sæti Eyjalistans

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is