Æskilegt er að fólk ani ekki út í óviss­una því út­lit er á að élin verði bæði dimm og mjög hvöss

25.11.2020

Veður­stof­an hef­ur gefið út gul­ar viðvar­an­ir á sjö spásvæðum og gilda þær bæði í dag og á morg­un.

„Í dag hvess­ir af suðaustri og þykkn­ar upp, fyrst um landið vest­an­vert. Í kvöld má bú­ast við að vind­styrk­ur verði kom­inn víða upp und­ir stormstyrk (20 m/​s). Dá­lít­il óvissa er hve hratt hlýn­ar en það hef­ur mik­il áhrif á hvaða úr­komu­teg­und verður á lág­lendi.

Lík­leg­ast er að úr­kom­an byrji sem snjó­koma eða slydda en fær­ist síðan yfir í rign­ingu á lág­lendi. Mestu hlý­ind­in verða samt ekki fyrr en eft­ir miðnætti og fram und­ir morg­un, en þá snýst vind­ur jafn­framt til suðvestanátt­ar. Hún verður ekki eins hvöss og úr­komu­mik­il eins og veðrið verður í nótt, en um og eft­ir há­degi á morg­un er út­lit fyr­ir að vind­ur verði víða 15-20 m/​s og hvass­ari í élj­um og þá hef­ur einnig kólnað tals­vert frá morgn­in­um.

Á fjall­veg­um, einkum á vest­an­verðu land­inu verður ekki eins hlýtt svo að bæði má reikna með að úr­koma fari seinna yfir í rign­ingu í kvöld eða nótt og eins kóln­ar fyrr þar á morg­un svo að öll úr­koma fell­ur þar sem él á morg­un.

Föstu­dag­ur­inn verður lík­lega nokkuð svipaður morg­un­deg­in­um en fer þó að lægja und­ir kvöld.
Æskilegt er að fólk ani ekki út í óviss­una því út­lit er á að élin verði bæði dimm og mjög hvöss,“ seg­ir í hug­leiðing­um veður­fræðings á Veður­stofu Íslands.

Vedur.is, mbl.is ,forsíðumynd skjáskot af vedur.is