ADHD Eyjar minna á opinn spjallfund um ADHD og daglegar áskoranir.
Morgun fimmtudaginn 25. febrúar kl. 17:30-19:00.
Fundurinn er öllum opinn á meðan húsúm og sóttvarnarreglur leyfa og fer hann fram í fundarsalnum á flugvelli Vestmannaeyja (gengið er inn vestanmegin). Fjölmennum, fræðumst og skiptumst á reynslusögum og skoðunum um líf með ADHD.
Sigurlaug Vilbergsdóttir, þroskaþjálfi og einhverfuráðgjafi mun fjalla um ADHD og daglegar áskoranir og nefndir erindi sitt „Að vera sunnan við sig“. Hún mun fjalla um hegðun og líðan einstaklings og hvernig hún hefur áhrif allt daglegt líf.
Álag getur birst við ýmsar aðstæður og við misjöfn tilefni. Aðlögunarfærni og þrautseigja hafa mikil áhrif á getu til að takast á við misjöfn verkefni í lífinu. Skipulag og fyrirsjáanleiki tryggja best það öryggi sem einstaklingur þarf til að ná árangri við dagleg verkefni.
Einnig þarf hver og einn að nýta styrkleika sína og áhugasvið til að tapa aldrei gleðinni.
Hér má sjá Facebook síðu ADHD eyjar
Skráðu þig á Facebook viðburð spjallfundanna og fáðu áminningu þegar fundurinn nálgast Skráning hér
