Að skipta út mönnum í miðri á er að reynast dýrkeypt | Tígull.is - Fréttir og viðburðir í Vestmannaeyjum
Hildur-Solveig-Sigurdardottir-532x532

Að skipta út mönnum í miðri á er að reynast dýrkeypt

Mönnum með mikla þekkingu skipt út fyrir pólitíska hagsmuni E- og H-lista.

 

Óleyst mál varðandi háar greiðslur frá ríkinu

Strax eftir síðustu kosningar lá mikið á hjá H-listanum að skipta út þáverandi formanni og varaformanni stjórnar Herjólfs ohf. sem var þá út í miðri á, að ná samkomulagi við ríkið um greiðslur vegna svokallaðrar öryggismönnunar skipsins, ferjuvísitölu og notkunar á gamla Herjólfi þann tíma sem nýja ferjan átti að vera farinn að sigla og það á rafmagni sem kom svo ekki fyrr en löngu síðar.

 

Fjárhæðir hlaupa á hundruðum milljóna

Stórar fjárhæðir upp á hundruðir milljóna sem snúa að uppgjöri á þessum hlutum hafa ekki enn skilað sér og eru óuppgerð af hálfu ríkisins. Það að ríkið sé enn að greiða með 9 mönnum í áhöfn en ekki 11 sýnir að málið er enn óklárað eftir allan þennan tíma, mál þar sem lending var í sjónmáli þegar mikilvægri þekkingu var skipt út úr stjórninni.

 

Pólitískir hagsmunir fengu að ráða

Líkt og undirrituð bentu á og óttuðust þá voru pólitískir hagsmunir teknir framyfir hag verkefnisins þegar Grími Gíslasyni og Lúðvíki Bergvinssyni var skipt út á viðkvæmum tímapunkti, án fyrirvara og án þess að tala við þá hvorki fyrir né eftir breytingar. Það lá svo mikið á hjá H-listanum að það gleymdist að fara eftir reglum við skipun stjórnar, líkt og ítrekað var bent á á sínum tíma.

 

Staða félagsins afar viðkvæm

Vegna aðstæðna í samfélaginu og ófyrirséðra rekstrarerfiðleika vegna afleiðinga af heimsfaraldri liggur nú mikið undir og er afar brýnt að þessi atriði sem snúa að ríkinu séu kláruð sem allra fyrst og að allri óvissu um samninginn sé eytt svo að hægt sé að skipuleggja framtíðina sem er klárlega björt ef rétt er haldið á málum. Á næstunni verður mikilvægt að tryggja að það þjónustustig sem fékkst með yfirtöku á rekstri Herjólfs haldist og haldi áfram að verða meira og betra.

 

Bæjarfulltrúar Sjálfstæðisflokksins í Vestmannaeyjum

Share on facebook
Share on twitter
Share on linkedin
Share on google
Share on print
Rafræn foreldraviðtöl gengu vel – 95% foreldra ánægð með fyrirkomulagið
Örhelgistund frá Landakirkju – myndband
Markmiðið að þétta miðbæinn og eldri hverfi með því að byggja á lausum lóðum
Ragnar Þór Jóhannsson kosinn formaður Farsæls
Ör hugvekja á sunnudegi – séra Guðmundur Örn með hlý orð
Sólakrílin syngja og dansa sig inn í helgarfríið

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X