Á heimaslóð

Hinn 21. október næstkomandi eru liðin 110 ár frá fæðingu Alfreðs
Washington Þórðarsonar. Eldri Vestmannaeyingar muna vel eftir honum en
hann bjó hér í Eyjum frá sex ára aldri fram að gosi 1973. Vosi, eins og hann var
jafnan kallaður, var góður tónlistarmaður, lærði píanóleik hér heima á Íslandi en
einnig í Kaupmannahöfn. Hann lék einnig á harmonikku af mikilli list. Þá samdi
hann mörg falleg lög sem urðu mjög vinsæl á sínum tíma en hafa mörg hver
ekki mikið heyrst, í það minnsta í seinni tíð.
Sögusetrið í Vestmannaeyjum mun minnast tónlistarmannsins Alfreðs
Washington á fæðingardegi hans með því að gefa út valin lög hans í nótnahefti
með textum eftir ýmsa samtímamenn hans. Umsjón með útgáfunni hafa þau
Ragnar Óskarsson formaður Sögusetursins og Kitty Kovács organisti og
kórstjóri Landakirkju og er undirbúningsvinna vegna útgáfunnar kominn vel af
stað.

Þegar hefur verið safnað saman töluverðu af nótum, textum, upptökum og
ýmsum gögnum sem eru grundvöllur útgáfunnar. Þrátt fyrir það er hér leitað
aðstoðar þeirra sem búa yfir einhverri vitneskju um tónlist listamannsins. Öll
aðstoð er afar vel þegin. Ef þið vitið um eða getið bent á einhver gögn sem nýst
geta við útgáfuna, hafið vinsamlegast samband við undirritaðan, annað hvort
með netpósti á hrauntun22@gmail.com eða í síma 6946865.

Með fyrir fram þökk.
Ragnar Óskarsson

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search