8 dagar á föstu komnir hjá Tryggvar | Tígull.is - Fréttir og viðburðir í Vestmannaeyjum
40198911_10156570342625996_3441650585269436416_o

8 dagar á föstu komnir hjá Tryggvar

Við höldum áfram að fylgjst með ofurhuganum Tryggvar í föstunni, 8 dagar búnir og það hefur gengið á ýmsu, en hann er bjartsýnn á að klára alla 10 daganna.


8 sólahringar búnir í föstu

Í gærkvöldi leið mér ekki nógu vel og blóðsykur féll þannig að ég fékk mér salt, vítamín og steinefni í vatn ásamt smá sítrónusafa og hálfri skeið af hunangi. Það var alveg magnað hvað það hressti mig við og í morgun vaknaði ég með góðan glúkósa.

Hungrið er núna farið að rólega að ágerast og það er að hægjast á fitubrennslunni hjá mér. Þetta lít ég á sem merki um það að skrokkurinn er byrjaður að gefa mér merki um að hann er tilbúinn að fara að slaufa þessu bráðlega. Að öðru leyti líður mér furðu vel.

Allur dagurinn í dag hefur verið nokkuð góður og nóg af orku, ég tók meira að segja æfingu og það var bara frekar létt.

En ég fór í morgun í blóðprufur og þar var sérstaklega verið að kanna hvort ég væri orðin meira súr því ég var kominn rétt undir vikmörk í pH gildi. Ég var minna súr en síðast og enginn skortur mældist í söltum eða öðru sem er mjög gott. Aðeins hár í creatíni en ekkert sem er áhyggjuefni.

Ég reikna því með að ég geti sæmilega þægilega klárað föstuna alla 10 sólahringana.

Tveir skemmtilegir þættir sem ég hef orðið var við:

Ég var að glíma við svepp á milli herðablaðanna og hann er horfinn ásamt einkennum sem voru vægur kláði. Ég veit ekki hvort hann er alveg farinn en það sést ekkert lengur og ég finn ekkert fyrir honum og húðin mín almennt er rosalega fín. Þetta hef ég alltaf upplifað í lengri föstum, þ.e.a.s. að húðin verði rosa fín.

Einbeiting og skýr hugsun er ótrúlega fín, þessi fasta hefur t.d. ekkert truflað mig í vinnunni.

Ég er búinn að sofa vel alla föstuna og hef náð að halda stressi lágu og vatnsneysla hefur verið mikil sem eru stórir þættir í að þetta er almennt að ganga vel.

Ég fékk alveg rosalega mikið af áhyggjum og símtölum og athugasemdum eftir að ég póstaði í gær að mér liði ekki nógu vel og það er rosalega gott að finna að svona mörgum er ekki sama um mann.

En mér líður vel núna 🙂

Mælingar dagins:

Ketónar: 5,2 mmol/L (6.6 í gær). Þetta er væntanlega bæði útaf því að það er að hægjast á fitubrennslu því það er sífellt minna eftir af birgðum en líka útaf ég tók vægt inngrip í gær, sérstaklega með saltið.

Glúkósi: 4,7 mmol/L (3,8 mmol/L í gær) þetta er metmæling inn í föstu og líklega hluti af því hvað mér líður vel. Magnað hvað smá sölt og steinefni geta gert.

Þyngd; 77.6 kg (77,8 í gær). Núna er farið að hægjast á þyngdartapi en ég fékk mér náttúrulega salt í gær sem gæti hafa bundið smá vatn aftur í líkamann og ég var nýbúinn að fá mér stórt vatnsglas fyrir vigtun.

Fituprósenta: 10,12% (var 10,43% fyrir tveim dögum)

Share on facebook
Share on twitter
Share on linkedin
Share on google
Share on print
Árshátíð VSV aflýst, út að borða í staðinn
Lista- og menningarverkefnið 1000 Andlit Heimaeyjar í Landandum í kvöld
Mikið um lausagang sauðfés í Vestmannaeyjum
Myndaveisla í makríl og síldinni heilsað
Hin árlega sýning
Njáll og Trausti í live viðtali vegna fjölgun bæjarfulltrúa – rök með og á móti – myndbönd

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X