48 ár frá strandi Gjafars VE 300 – myndir frá blöðum þess tíma – Tígull.is

Gjafar VE 300

Í dag eru liðin 48 ár frá því að Gjafar VE 300 strandaði í innsiglingunni í Grindavík, rétt tæpum mánuði eftir að Heimaeyjargosið hófst.

Um 430 manns eiga minningar um að hafa siglt með þessu farsæla aflaskipi á flóttanum frá Heimaey til Þorlákshafnar hina örlagaríku aðfaranótt 23.janúar 1973 þegar eldgosið hófst.

Rúmum tveimur vikum síðar tók áhöfnin þátt í einni umfangmestu leit sem Íslendingar hafa tengst í Atlandshafinu. Mildi þótti að enginn skyldi farast í leitinni í því mikla óveðri sem geisaði dagana tíu sem leitin stóð yfir.

Leitað var að áhöfn tíu manns sem voru um borð í Sjöstjörnunni frá Keflavík, sjá mynd með frétt frá Morgunblaðinu.

Og rétt um mánuði eftir að gosið hófst réðust svo örlög bátsins þegar hann strandaði við innsiglinguna í Grindavík. Björgunarsveitinni Þorbirni tókst með afar vasklegri framgöngu að bjarga allri áhöfninni,tólf mönnum. ( sjá mynd neðar frá frétt M0rgunblaðsins.)

(skjáskot úr bók Útkalls á ögurstundu)

Forsíða Morgunblaðsins þar sem greint er frá björguninni í Grindavík. Og ef þið lesið neðar á forsíðuna þá var einn fremsti eldfjallafræðingur með það álit á Vestmannaeyjakaupstað að hann væri dauðadæmdur. En í dag 2021, 48 árum síðar hamingjusömust allra bæjarfélaga. Eins og krakkarnir segja FACE á þig. (Skjáskot úr Útkall á ögurstundu)

Forsíðumyndina tók Sigurgeir Jónasson.