Tryggðu sér sæti í úrslitaleikinn

Í gærkvöldi sigruðu ÍBV stelpurnar okkar lið Selfoss 29-26 í undanúrslitum Powerade bikarsins, Final 4! Hrafn­hild­ur Hanna Þrast­ar­dótt­ir var marka­hæst hjá ÍBV með sjö mörk. Elísa Elíasdóttir, Birna Berg Haraldsdóttir og Sunna Jónsdóttir skoruðu fjögur mörk hver. Þá varði Marta Wawrzy­kowska 14 skot. Með sigrinum tryggðu þær sér sæti í úrslitaleikinn. Þar mæta þær Valskonum á laugardaginn kl.13:30. ÍBV þakkar þeim stuðningsmönnum sem lögðu leið sína á leikinn í gær kærlega fyrir stuðninginn segir í Facebookfærslu félagsins.  Nú er bikar í boði og viljum við sjá troðfulla höll af hvítum treyjum á laugardag. Mætum og styðjum við bakið á stelpunum. ÍBV mun auglýsa rútuferðir og ýmislegt annað á næstu dögum – Takið daginn frá.