Haukar unnu ÍBV í upphafsleik Hafnarfjarðarmótsins í handknattleik karla á Ásvöllum í Hafnarfirði í gærkvöldi.
Leikurinn endaði 33:32, eftir að hafa verið þremur mörkum yfir að loknum fyrri hálfleik, 17:13 það var handbolti.is sem greindi frá.
Haukar byrjuðu leikinn mun betur en ÍBV og voru m.a. komnir með fimm marka forskot, 7:2, eftir tíu mínútna leik. Eyjamenn hertu upp hugann eftir leikhlé og sóttu í sig veðrið. Ekki síst gerði 5/1 vörn ÍBV-liðsins Haukum oft gramt í geði.
Fimm mörk ÍBV í röð í síðari hálfleik varð þess valdandi að liðið komst yfir, 24:23, þegar 16 mínútur voru til leiksloka. Eftir það skiptust liðin á um að vera með yfirhöndina. Var forskotið annars hvors liðsins aðeins einu sinni umfram eitt mark á annan hvorn veginn. Haukar voru tveimur yfir, 33:31, á síðustu mínútunni áður en Ívar Bessi Viðarsson skoraði 32. mark ÍBV rétt áður en leiktíminn var úti.
Mörk ÍBV:
- Dánjal Ragnarsson 7
- Elmar Erlingsson 5
- Dagur Arnarsson 4
- Sveinn Jose Rivera 4
- Nökkvi Snær Óðinsson 3
- Arnór Viðarsson 2
- Andrés Marel Sigurðsson 2
- Gabríel Martinez Róbertsson 2
- Ívar Bessi Viðarsson 2
- Janus Dam Djurhuus 1.
Varin skot:
- Petar Jokanovic 6
- Andri Snær Sigmarsson 1
Næstu leikir íBV á mótinu eru:
- 24. ágúst kl. 18:00 FH-ÍBV
- 26. ágúst kl. 17:00 ÍBV-Stjarnan
Öllum leikjum er einnig streimt beint á sjónvarpsrás Hauka: https://www.youtube.com/user/HaukarTV
