Föstudagur 30. september 2022

20 milljónum króna úthlutað til hjálparsamtaka fyrir jólin

25.12.2020

Ásmundur Einar Daðason, félags- og barnamálaráðherra, mun fyrir jólin úthluta samtals 20 milljónum króna í styrki til hjálparsamtaka sem styðja við viðkvæma hópa í samfélaginu um land allt, einkum með matarúthlutunum og ráðgjöf. Alls níu hjálparsamtök fá styrk til þess að geta stutt enn betur við sína skjólstæðinga en styrkirnir eru liður í aðgerðum stjórnvalda til þess að bregðast við afleiðingum Covid-19 faraldursins og er beint sérstaklega að þeim sem búa við fátækt.

Þau hjálparsamtök sem fá styrk eru Hjálpræðisherinn, Hjálparstarf kirkjunnar, Mæðrastyrksnefndir í Reykjavík, Kópavogi, Hafnarfirði, Akureyri og Akranesi, Fjölskylduhjálp Íslands og Kaffistofa Samhjálpar.

Samkvæmt upplýsingum frá forsvarsmönnum framangreindra hjálparsamtaka hefur orðið mikil aukning á beiðnum um efnislega aðstoð á árinu í kjölfar faraldursins og ekki síst nú þegar jólahátíðin er að ganga í garð. Jólaaðstoðin er ávallt umfangsmikil hjá öllum hjálparsamtökum ár hvert og búa þau sig nú undir að mæta enn meira álagi fyrir komandi jól vegna áhrifa Covid-19 faraldursins. Auk þess að búa við fátækt þá eru margir í þessum hópi sem búa einnig við mikla félagslega einangrun.  Bæði Hjálpræðisherinn og Kaffistofa Samhjálpar hafa undanfarin ár boðið upp á jólamáltíðir sem hægt er að njóta í samveru við aðra, en þó upp að því marki sem leyfilegt er á þessum tímum.

Ásmundur Einar Daðason, félags-og barnamálaráðherra: „Í stað gleði og tilhlökkunar í aðdraganda jóla þá er það einmitt þessi tími sem veldur hvað mestum kvíða, áhyggjum og einsemd hjá okkar viðkvæmasta hópi í samfélaginu. Það er bæði mikilvægt og ánægjulegt að geta stutt einstaklinga og fjölskyldur sem á þurfa að halda með þessum hætti.“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is