Listamaður dagsins er Hildar Jóhann Pálsson, fæddur í Glaumbæ í Langadal en fluttist til Eyja á fjórða aldursári.
Hildar ólst upp í Þorlaugagerði vestra en þar er útsýni fegurst hér í heimi, líkt og slegið sé upp fegursta listaverki að umhverfi. Hildar var alla tíð listhneigður maður en slys sem hann lenti í 16 ára gamall markaði líf hans til frambúðar.
Hildar bjó lengi á Hraunbúðum við góðan aðbúnað. Er hann andaðist 2015 fékk safnið nokkuð af verkum hans til minningar um þann góða dreng. Verk dagsins kallaði listamaðurinn Flaggið okkar og er það frá 1996.
